సత్య నారాయణ సుశీల స్వజుడనుగ,
వారి ఘనపాదములకు నే ప్రణుతి చేసి
నిడుచునుంటి నంకితమును కడుముదముగ
నీ శతకమును వారికిన్ ,నెమ్మి
కలిగి
దత్తపది - పెన్,బుక్,ఇంకు,పేపరు
ఈ
పదములతో భారతార్ధము
సీసములో నా పూరణ
ప్రేయసీ నీవల(పేపరు)గు‌లను తీయించుగా పురుషుని, యెంచి కొంటి
వే మంచి (యింకు)వ,వేగిరము గనిట్టి నర్తన శాలలో నాదు కోరి
కను తీర్చ నుంటివి గా నొకపరి తీయ వలయు నీ ముసుగు,దీపపు వెలుగు
లోనిను చూచెద నేనని దరిచేర వలలుడు తనపిడికిలి బిగించి
మార్కొన డు(బుక్కు)న పడెను మత్తు వదలి
కీచకుడు విస్మయము నొంది కాచు కొనుచు
(పెన్గొ)నుచు ముష్టి యుద్ధము భీకరముగ
చేసి నసువులు రయముగ బాసె నపుడ
ఇంకువ. చోటు
పెన్గొని త్రోపులాడు
పూసపాటి
****
పేపర్ - బుక్ - పెన్ - ఇంక్
పై పదాలను ప్రయోగిస్తూ భారతార్థంలో నచ్చిన ఛందంలో పద్యం
నా పూరణ
కందము
చూపే పరాయి నన నే
నోపక మనసిక నుబుకుచు నొంటరి యగునే
చూపెన్ ప్రేమను నీపై
ద్రౌపది తగు లీలలింక దాస్యమ్మిడుమా!!
కళ్యాణ్ చక్రవర్తి ముంబాయి
****
సేకరణ:
ఒక తెలుగు అభిమాని కవిత
పూతరేకులరిసె పూర్ణాలు బొబ్బట్లు
కాకినాడ కాజ కజ్జికాయ
బాదుషాలు జాంగ్రి పాయసమ్ముల కన్న
తీయనైన భాష తెలుగు భాష!
మిసిమి బంగినపల్లి మామిడుల రుచులు
తాటిముంజలు మేటి సీతాఫలాలు
మెరయు చక్కెరకేళి మాధురులకన్న
తీయనైనది నా భాష తెలుగు భాష!
పెసర పిండి పైన ప్రియమగు నల్లంబు
దాని పైన మిర్చి దద్దరిల్ల
జీల కర్ర తోడచేర్చిన ఉప్మాకు
సాటి తెలుగు భాష మేటి భాష
స్వర్గ మందు దొఱకు చప్పని అమృతంబు
తాగ లెక సురులు ధరణి లొన
ఆంధ్ర దెశమందు ఆవిర్భవింతురు
ఆవ కాయ కొఱకు నంగలార్చి.
కూర్మి తోడ తెచ్చి గోంగూర యాకులు
రుబ్బి నూనె మిర్చి ఇంపు తోడ
కారమింగువలను తగిలించి తిను వాడు
ఘనుడు తెలుగు వాడు కాదె భువిని
ఆట వెలది యనిన అభిమానమెక్కువ
తేట గీతి యనిన తియ్య దనము
సీస పద్యమనిన చిత్తమ్ము రంజిల్లు
కంద పద్యమెంత సుందరమ్ము !!
****
చిత్రానికి పద్యం
కంము
గారెలు చూపిరి చక్కగ
నోరూరించెడి విధముగ నోపగ తగునా
వారించెడి వారెవరిట
నీరీతిగ కడుపునింప నిలువదె మనసా!!
ఆటవెలది
ప్లేటు నందు టిఫిను ప్రేమగ జూచెను
నీరు నోటియందు నిలువకుండు
చిల్లు గారె లనిన థ్రిల్లది వేరయా
చక్రవర్తి పలుకు సత్యమిలను
కళ్యాణ్ చక్రవర్తి ముంబాయి
*****
కామెంట్‌లు లేవు:
కామెంట్‌ను పోస్ట్ చేయండి