ప్రభాత కవిత :
అమ్మే !
సూర్య నమస్కారాలు
చేద్దామని పెరట్లోకెళా!
సూరీడు కనపళ్ళా !
అమ్మ కనిపించింది !
అమ్మ కే నమస్కరించా ..
అవును అమ్మే నాకు
సూర్యుడూ , చంద్రుడూ !
వసుధ
****
శుకపిక రాగమాలికల
శోభల పల్లటి కూతలన్వలే
చకచక వెన్నెలై కురిసె
ఝాన్విల పల్కులవోలె కెంపులై
వికసిత భావబందురపు
వెల్గుల కైవడి వెన్నెలల్ వలే
టకటక పద్యరుచ్యములు
ఠక్కున మానసమందు జిల్కగన్
పకపక హాసచంద్రికల
వల్లరులే సరదా సరాగమై
మకరికమేదొ జల్లెనిట
మానస వీధులు సంభ్రమంబులై
కస్తూరి కవనం
****
చిలుకలు మేమే
రాగం మాదే
వెన్నెల మేము
వెలుగుతుంటాము
పలుకుల కులుకులు
పక పక నవ్వుల్
మా సరదా మాటల అల్లరి
మీ మనసున హాసం కురిపిస్తే
అదే కదా మాకానందం
ఆనందం జగదానందం
ఝాన్వి
****
మాష్టారు ..కలంలో సిరా నింపుకుని త్వరగా వచ్చేయండి
తేటగీతి
వెళ్లిపోకు మిత్రమ ! పద పల్లవములు
పంచుమిచ్చోట కవనంబు వల్లరులని
పద్యమన్న హృద్యమగును పరవశమది
తెలుగుతేనియలు సుధలు వెలయునపుడు
తేటగీతి
మక్కళించు మధ్యాక్కర మధుర సుధలు
పద్య రుచిరంబు హరువులీ పరవశములు !
చందనంబులు పంచేటి జయకరుండు
తెలుగుతేనియలు సుధలు వెలయునపుడు
************
తేటగీతి
గంధ ధూళియిదియె! మకరంద రుచ్య
మగు పదముల పొంకములివే!యబ్బురపర
చెడి కవన మాధురి యిదియే! చిత్ర పదము
లల్లికలివియే! కస్తూరి జల్లు లివియె!
*************
మోహనపు చందన పొడి సమ్మోహనముగ
జల్లితిరి సమూహ కవులన్ సంతసముగ
నుంచుటకు పద్య రుచులన్ని యుచితముగను
పంచ వేచి యుండిరి నభివందనములు
సలుపుతు మనసు నిండుగ వెలుగు తోడ.
**************
తెలుగు తేనియ తోటలో నలరు విరులు,
కోయిల కలరవమ్ములు కురిసె శ్రావ్య
పదముల నడకలు, మనసు ముదము నొంద,
స్వస్తి పలికెనక్క మనసు సంబరముగ
******************
తేటగీతి
మీ కవిత్వంబు గాంచినన్ మీపద సుమ
ములవి, పొంకముల్, భాసురముల్, సుమధుర
సుందర పదమరందముల్ సొబగు జూపు
తెలుగు తేనెల మకరంద కలికి సుధలు !
చెలగు "కస్తూరి" ని కురిపించి ఝరుల వలె !
వై శ్రీదేవి
*****************
ఈ సృష్టి లో అతివ అంటేనే ఒక అద్భుతం.
చిరునవ్వులు చిందే ముఖారవిందం మీద చిందర వందర గా తుమ్మెదల వంటి ముంగురులు తోనూ .
వెండి వెన్నెల కాంతులలో తళుక్కు మనే నదీ కెరటాల్లాంటి కడగంటి చూపులతోనూ.
మన్మధునిధనస్సు వంటికనుబొమ్మలతోను.విరజాజి మొగ్గల వంటి పలు వరసల తోనూ సౌందర్యా నికి సహజ సిద్ద మైన చిహ్నం గా ఉండే ఉంటుంది ఈ ఆరని పారాణి పాదాల నవ వధువు.
మాదిరెడ్డి సురేశ్
****
కామెంట్‌లు లేవు:
కామెంట్‌ను పోస్ట్ చేయండి