పూజ్యనీయుల దూషణ పుణ్యమొసగు 10.03.2021, బుధవారం

 

10.03.2021 బుధవారం

సమస్యా పూరణం

తేటగీతి పాదం.... పూజ్యనీయుల దూషణ పుణ్యమొసగు

 

కంద పాదము .. .. .. పూజ్యుల దూషణ మెపుడును పుణ్యం బొసఁగున్

 

సభ్యులు మీ మనోహరమైన పూరణలు అందించవలసినదిగా మనవి..

 

 

జుంటితేనె కొరకు ఝుమ్మను దుమ్మెద

స్వనము వీనులజేర స్వాగతముగ

లేగల కొరకు తల్లి పొదుగు చేపుల

తానమాడగ నీవు తరలి రాగ

బువ్వకై వెదకెడి గువ్వల కువకువ

ల్మేల్కొల్పుగా తల్చి మిడుకుపడుచు

మత్తు వదలినట్టి మానుష హళహళి

నంశుమాలికి మొక్కు నార్తి యనుచు

 

నల్పసంతోషివి కద నీవంబరమణి!

యమ్మ యొడిని వీడగ మేటి యంగలిడుచు

నాతురత నురుకుపరుగు నరుగుదెంచ    

మేలుగూర్చునీకు సతము కేలుమొడ్పు

 

భావం: జంటి తేనె కోసం తుమ్మెద ఝమ్మంటే స్వాగతంగా తలుస్తావు. లేగదూడ కోసం తల్లి పొదుగు పాలు చేపితే నువ్వు స్నానం చేయడానికి వస్తావు. గువ్వలు ఆహారం కోసం కువకువలాడితే నిన్ను పిలుస్తున్నాయి అని తుళ్లి పడతావ్. మనుషులు హడావుడి అంతా నీకోసం పడే ఆర్తి అనుకునే అల్పాసంతోషివి నీవు. మాకు మేలు చేయడానికి అమ్మఒడిని విడిచిపెట్టి పెద్ద పెద్ద అంగలు వేసుకుంటూ ఉరుకుపరుగులతో వచ్చే నీకు వందనాలు సూర్యభగవానుడా!

వాణిశ్రీ నైనాల

 

 

యాజ్యమునందగ్రాసన

భాజ్యము‌ లేదని హవిస్సు ఫాలాక్షునకున్

ఆజ్యమునగ్నికి‌ నటులన్

పూజ్యుల దూషణ మెపుడును పుణ్యంబొసగున్

ఆత్రేయ

 

 

ఈ రోజు సమస్యా పూరణ,

వచనం,  

నిజము తెలియక జానకీ, అది అ,

గ్రజు ఆర్తనాదముగ భావించి, లక్ష్మణుని దూషింప,

ఆ జానకి మాటలుమదిని వేధించ, అతడుతలపోసే

పూజ్యుల దూషణమెప్పుడు పుణ్యంబొసఁగున్.

గాంగేయ శాస్త్రి, రాజమండ్రి

 

 

" పూజ్యనీయుల దూషణ పుణ్యమొసగు

 తేటగీతి..

విద్య బోధించు కటువుగ విదులు సతము

విద్య వికసించె నాశ్రమ విలువలందు

తప్పిదములెల్ల సరిజేసి దారి జూపు

పూజ్యనీయుల దూషణ పుణ్యమొసగు...

 

విదులు ..పండితులు

పి.ఎల్.నాగేశ్వరరావు

 

 

భయమొదులురా

సుభాషితంబులు, హితవులు,సూక్తులు

జాతీయములు ,శతకములలోని

ఆణి ముత్యములను వాడుదురు మన

పెద్దలు మన మేలు కొరకు

సమయానుకూలముగా  వినిపించుకోక

విస్మరింతురవి  మనలో ఎందరో

 

వినయ విధేయతలతో విని విజేతలయిన

వారుందురందరిలో  తెలుసుకొని తెలుపవలె మన వారికి

' పూజ్యుల ధూషణ పుణ్యమొసగునని ' !

జి మురళీ మోహన రావు

 

తే.గీ.

తెలిపె, విష్ణు నామ స్మరణ ద్వేష భావ

మున హిరణ్యకశిపుడు సల్ప, నది గూడ

పుణ్యమనుచు మోక్షమొసగె పురుషవరుడు,

పూజ్యనీయుల దూషణ పుణ్యమొసగు

వారణాశి శ్రీలేఖ

 

 

జగము నందుమనుజులకు జన్మనిచ్చు

తల్లిదండ్రులు తెలివిచ్చి దారి చూపు

గురువు లాదిగ కలరు పె క్కుండ్రు నట్టి

పూజ్యనీయుల దూషణ పుణ్యమొసగు

CA కె మల్లికార్జునరావు

 

 

సమస్య

పూజ్యనీయుల దూషణ పుణ్యమొసగు

వెరసి దైత్యులు బలముతో విఱ్ఱవీగి

లోక కంటకు లైరిగా శోక మిడుచు

దైవతముచేత రణమందు తనువు విడువ

పూజ్యనీయుల దూషణ పుణ్య మొసగు

ఆదిభట్ల సత్యనారాయణ

 

 

తే"

మంత్ర జపముపవాసము ల్మ్రగ్గు నొకడు,

దేవుడే లేడనుచు దిట్టు దేభ్యమొకడు

యీసడించ యునికిచాటు నీశ్వరుండు

పూజ్యనీయుల దూషణ పుణ్యమొసగు

వాణిశ్రీ నైనాల

 

 

నేటి సమస్యా పూరణ

తేటగీతిలో....

సత్య సంధత నెపుడును చాటువాడై

మంచిమార్గము జూపెడి మనసు గలిగి

పరుల హితమును గోరెడి పల్కులైన

పూజ్యనీయుల దూషణ పుణ్య మొసగు.

హేమలత

 

 

ముత్యాల సరము

తకిట తకధిమి  తకిట తకధిమి...లయ

తలపు లందున జ్ఞాపకాలై

 తరలి పోయెను సఖియ స్నేహము

 కటిక చీకటి దారు లందున

 కలగ తానై కరిగి పోయేను

 మెలకువందున వెతికి జూడగ

 కంటి నీరుగ కారి పోయెను 

 

 గుండె లవిసిన నిండు సంద్రము

 కంటి నీరుగ కడకు మిగిలెను

డా .నాగులపల్లి

 

 

అంశం ..పువ్వు

 తేటగీతి...

 

మగడు దెచ్చిన మమతల మల్లెలెల్ల

ముడుచు నతివయు కురులను మురిసిపోయి

కలికి ప్రియముగ నందించ కప్పుకాఫి

ప్రణయ తిన్నెల విహరించె పతియు , సతియు...

పి.ఎల్.నాగేశ్వరరావు

 

 

 

తేట గీతి

పూలగంధమాఘ్రాణింప  పొంగు నెడద

పూలతో ప్రణయ జలధి  పొంగి పొరలు !

పూల జేయుసఫలములు పూజ లెల్ల

పూవు తోడనే సృష్టి సంపూర్ణ మాయె!!

 

ఆట వెలది 1

 సిగను  చేరినట్టి  బొగడ పూవందమౌ

 నాటవెలది కైన  యాలి కైన!

 ప్రణయ లీల వేళల పరిమళించెడి

 పూలు జేర ప్రేమ  పొటమరించు !!

 

తేట గీతి 2

పుణ్య పాపము లెరుగదు పూవు తాను,

తనువు చాలించి  తానలగును నడిమను  ,

ప్రణయ దాసుల పాన్పుల పరిమళించు

పూవు కేల కలిగెనిట్టి పూర్ణ దృష్టి!

 

కం"

పన్నులెగవేయు సంపద

వన్నెలు జూపగ ధరించె వరుసల గొలుసుల్

మిన్నును తాకగ మెరుపులు

కన్ను చెదరె దొంగకతివ కనకంబుగనన్

వాణిశ్రీ నైనాల

 

తే.గీ.

సప్తదినములాభరణముల్ సర్వము, నతి

సుందరమగు రీతి నలర, చూచువార

ల కనులు జెదర, నవవధూ రమణి వేచె,

శుభవివాహ ఘడియకై ప్రజు దరి జేర

 

ప్రజుడు - వరుడు

వారణాశి శ్రీలేఖ

09.03.2021

08.03.2021

07.03.2021

దత్తపది -84, తెలుపు, మలుపు, వలపు, గెలుపు, శుక్రవారం, 05.03.2021

 

5.03.2021 శుక్రవారము 

దత్తపది -84

తెలుపు, మలుపు, వలపు, గెలుపు

మనోహరమైన పద్య/ వచన కవితలను అందించగలరు.

 

 

తెలుపు  హనుమయు జాడను తెరపి లేక

మలుపు లన్నియు గూరిచి మనసు నున్న

వలపు రాణిని మరువక వ్యధ చెందు

రామ భద్రుకు గెలుపును రమ్య ముగను

ఆర్. సాయిలక్ష్మి

 

 

వచనం,

తన మదిలోని వలపు,

తెలుపు చిన్నదాని నగుమోము గాంచి,

తన జీవితం ఓ మలుపు తిరిగి,

అన్నిటా తాను గెలుపు సాధించినట్టాయె కుర్రవానికి.

గాంగేయ శాస్త్రి, రాజమండ్రి

 

 

 

సాధించవచ్చు

వలపులపై ఆలోచనలను మలుపు తిప్పుచూ

చదువుమా శ్రద్దగా చేయుమ నిష్టగ జ్ఞాన  సముపార్జనను

 

అటుల పొందు గెలుపులను తెలుపుచు

ఇతరులకు రగిలించుమా వారిలో  గెలుపుగాళ్ళ తలపులు !

జి మురళీ మోహన రావు

 

 

తెలుపు, మలుపు, వలపు, గెలుపు

తెలుపు మా సఖీ

నీ వలపును పొందు టెటుల?

మల్లెల దారి లోనైన

మంచు ఎడారి లోనైన

నా ప్రస్థాన మందు

మలుపు  మలుపు లో

నీ ప్రేమే నాకు మార్గదర్శి

అంతము లేని నా గమ్యానికి

నీ ప్రేమే నా గెలుపు ధ్వజము.

CA కె మల్లికార్జునరావు

 

 

కం"

మలుపులు దిరిగెన్ జనకుని

వలపు నిలుప శాంతనవుడు ప్రతినన్ బూనన్

తెలుపున్ ఘనచరితమ్మిది

గెలుపులతని జీవిక యిల గీర్తినిబొందన్

వాణిశ్రీ నైనాల

 

మనసు తెలుపు వేళ మరిమరీ యోచించు

 మలుపుయగునొ నీదు గెలుపుయగునొ?

వలపుదెండకాల వర్షమ్మె చూడంగ

కురియవచ్చు బ్రతుకు కూల్చవచ్చు!

 రాంమోహన్ నిజామాబాద్

 

 

 

ఈ వ్యాసం మౌలిక పరిశోధన కలిగివుండవచ్చు.

కృత్రిమ మేధస్సు (లేదా యంత్ర మేధస్సు) యంత్రాలుచే ప్రదర్శించబడిన మేధస్సు, ఇది మానవులు, ఇతర జంతువుల యొక్క సహజ మేధస్సు వలె ప్రదర్శించబడుతుంది. కంప్యూటర్ శస్త్రంలో కృత్రిమ మేధస్సును మేధో యొక్క పరిశోధన అధ్యయనంగా నిర్వచిస్తారు: ఏ పరికరం దాని పర్యావరణాన్ని గ్రహించి లక్ష్యాన్ని సాధించేందుకు తొడ్పడుతుందో దానిని కృత్రిమ మేధస్సు అంటారు. "కృత్రిమ మేధస్సు" పదం సహజంగా ఒక యంత్ర "జ్ఞాపకశక్తి" ప్రదర్శించినప్పుడు వర్తించబడుతుంది. ఇది మానవ మనస్సు వలె, "శిక్షణ", "సమస్య పరిష్కార" ప్రదర్శిస్తుంది.

 

కృత్రిమ మేధస్సును విద్యా విభాగంలో క్రమసిక్షన కొరకు 1956 లో స్థాపించబడింది. చాలా సంవత్సరాలు, కృత్రిమ మేధస్సు పరిశోధన విభజించబడి జరిగింది. ఈ సమయములో ఒకరికి ఒకరు సమాచారం అందించుకొవడంలో విఫలించారు.. ఈ విభాగలు సాంకేతిక పరిగణనలు ఉదా. "రోబోటిక్స్" లేదా "యంత్ర మేధస్సు") మీద పరిశోధనలు జరిపాయి.

చిత్ర కవనం, గురువారం, 04.03.2021

 

4.03.2021 గురువారం

చిత్ర కవనం 94

పై చిత్రానికి మనోహరమైన పద్య/ వచన కవితలను అందించగలరు.

 కవులు/కవయిత్రులు తమ మనోఫలకము మీద తారాడెడు రమణీయ భావనలను వెలికి తీసి, సుమనోహర వన్నెయల నద్ది తేనియల దిటవు తెలిపెడి కవితలల్లి, సమూహము తేజరిల్లు నట్లు ఘనత చేకూర్చగలరని విన్నపము.

 

సీ"

సప్తాశ్వముల పద స్వర్ణ ఖురపు ధ్వని, పుల్గు కాహళముల పోరునందు

రథచక్ర ధావనా రవళి, లేగల చిరు గంటల సవ్వడి గతులయందు

ఝుళిపించు చర్కోల జులుము, సయ్యాటల గలగల సెలయేటి గళమునందు నుచ్చైశ్రవములిడు నుచ్ఛ్వాసనిశ్శ్వాస రుత, శైత్య  మలయ మారుతములందు

 

నడచి యేమార్చి భాస్కరుండ రుగుదెంచు

సర్వకరములన్ జిందించి శక్తి నింప

జవము నందించ మేల్కొల్పు జగతినిటుల

చేతనంబిడు వేల్పుకు జోతలివియె

 

భావం: సూర్యుని ఏడు గుర్రాల బంగారు గిట్టల ధ్వని పక్షుల కువకువలలోనూ, రథచక్ర పరుగు శబ్ధం లేగదూడల మెడలో గంటల సవ్వడిలోనూ, కొరడా ఝులిపించిన శబ్దం సెలయేటి సడిలోనూ, గుఱ్ఱాల ఊపిరి శబ్ధం తూర్పు మలయ మారుతంలోనూ కలసిపోయి వినపడకుండా ఏమార్చి భాస్కరుడు వస్తాడు. ఆయన కిరణాలను చిందించి శక్తి నింపి, జగతిని మెల్కొల్పి, జవ సత్వములనిచ్చి, చేతన కల్గుచేయు దైవానికి నమస్సులు.

వాణిశ్రీ నైనాల

 

 

వీర నాయక నతడన్ వీర తనము

తోడ పోరును సలిపిన్ దొరక కుండ

శత్రు సేనకు మరలెను శాంత ముగను,

దాచె, చేతిని, బాధను తాను , వాని

నటన గొలుపుగ నెవరికి నైన  బాధ

 

రాధ గోవుయు నెమలియు రంజి లగను

వేణు నాదము వినిపించు వేణు వూది

భక్త జనులకు పాలిట భక్త సులభ

సుంద రమగు,రూ పముతోడ  శోభి లగను

రామలక్ష్మి

 

సన్నివేశం....

క్షతగాత్రుడై యింటికి వచ్చి కోలుకున్న కన్నతండ్రికి తీర ప్రాంతమున జరుగుచున్న యుద్ద సన్నాహాలలో పాల్గొనాలని ఆదేశాలు వచ్చిన తరుణంలో, తిరిగి యుద్ద రంగము వైపు వెళ్ళే సందర్భమున

వలదని ముద్దుల చిన్నారి కన్నీటి పర్యంతమై వారిస్తున్న దృశ్యం...

 

తేటగీతి

కన్న కూతురు , కన్నీట గాళ్లు కడగి

వలదు వలదని మొఱపెట్టె వారియర్ని ,

తీర భద్రతే ధ్యేయమై తెగువ జూపి

కన్న పేగును వీడుచు కదలి సాగె...

....................................................

వారియర్ ..యుద్ద రంగంలోని సైనికుడు అనే భావంలో ....

పి.ఎల్.నాగేశ్వరరావు

 

 

 

కదన రంగానికి కేగి తిరిగివచ్చిన

తండ్రిని చూచి సంబరమందగ

తన కోసమై  బొమ్మలు

తెచ్చి కరమును

వెనక దాచుకొనె యనుచు

పరిగెత్తుకు రాగా

కనిన తండ్రి కరమును కోల్పోయి దాచుకుంటి నని అశ్రువులు రాల్చెన్.

దేవరశెట్టి నాగమణి

 

 

 

సీసము.

సైనిక ధర్మమే సర్వోత్త మంబని దేశ హద్దులయందు దీక్ష తోడ

అహరహరము కడు నప్రమత్తత నుండి దేశ రక్షణజేయు దివ్య పురుష !

యెప్పుడో యొకమారు యేక్షణంబో నీదు మాటలు వినుచుంటి మైమరపున

మానాన్న యెప్పుడు మంచి బట్టలు దెచ్చు? చాక్లెట్లు స్వీటులు చాలినన్ని !

 

తే.గీ.

వచ్చుచున్నాడు నేడని పరవశించి

కనును గారాల చిన్నది కమ్ర కలల

కుంటి చేతిని చూపగా క్రుందు ననుచు

చేయి దాచెను మరిపింప చిన్ని తండ్రి !

ఆదిభట్ల సత్యనారాయణ

 

 

కూతురమ్మ

అప్పుడు:

 

వచ్చారు నా నాన్న

ఏమేమి తెచ్చారో

ఎగబడి లాగాలా

నాన్న ఇచ్చేదాకా ఆగాలా

అంటూ ఆడిన నా చిట్టితల్లే

 అలా

 చిన్నప్పటి నుండి నాన్న ..నాన్న

అంటూ నా చుట్టూ తిరిగేది

 బడి కెళ్లే రోజుల్లో పలక ,

బలపం,రాతబల్ల కొనిపెట్టా

 నాన్న కూర్చో, నేను పాఠాలు

చెబుతా విను అని చెప్పేది కూడా

హఠాత్తుగా జరిగిన

నా ప్రమాదానికి రోజూ

ఆప్యాయత పంచుతూ

పెరుగుతూ స్నేహితురాల్లాగా

కబుర్లు చెబుతూ ,

కావలసినంత పని చేసి పెట్టేది .

కాపురానికి వెళ్ళింది .

 

ఇప్పుడు

నా కూతురే నా స్నేహితురాలు ,

పంతులమ్మ  , అమ్మ , అత్తగారు కూడాను

నేను వెళ్లిన్నప్పుడల్లా మా అమ్మ, అత్తగారి లాగానే

రుచిగా, శుచిగా వంటలు చేసి వడ్డిస్తుంది ।

టాటాలు తీసు కెళ్తుంది 

అడిగిన వన్నీ కొనిపెడుతుంది

కానీ

చేతిలో బెత్తం సిద్ధంగా పెట్టుకునేది

చూపుడు వేలు ఊపుతూ

సరైన ఆహారం వేళకి తిని

సమయానికి వ్యాయామం

చేయక పొతే

వీపు విమానం మోతే

అని గట్టిగా చెపుతుంది !

జి మురళీ మోహన రావు

 

 

వచనం,

నిన్న గాక మొన్నే వచ్చావు,

నాన్నా అప్పడే తిరిగి వెళ్ళిపోతావా,

చేతి దెబ్బ ఇంకా తగ్గనే లేదు గా నాన్నా,

వెళ్లక తప్పక పోతే, నీ చెయ్యి విరగ్గొట్టిన,

వాళ్ళ కాళ్ళు చేతులూ విరగ్గొట్టు....

చెరుకుపల్లి గాంగేయ శాస్త్రి, రాజమండ్రి

 

 

తేటగీతి

కదన భూమిన పోరున కరము బోవ

కన్నబిడ్డను గనుటకు కదలి రాగ

తండ్రి కరమున దాచెను తాయిలంబె

అనెడి యూహ లోన తనయ యాశ తోడ

సంబరమును మోమున జూపె సంతసముగ.

హేమలత

తేటగీతి

సర్వమును మరిచి మనసు సంతసమందు

కళలనుసృజన గావించు కాలమందు

భావ లహరుల నాకట్టు బంధములను

విడిచి పెట్టి  లక్ష్యమునకై వెతల నొంది

పురిటి నొప్పుల పడవలె పురుషుడైన

అవళూరు సీత

 

 

దొడ్డవాడౌ  భరతమాత బిడ్డడితడు ,

 కదనరంగాన నిర్భయ హృదయుడితడు !

 కన్న తండ్రిగ పసిపాప కనులనీరు

 చూడలేని కడు పిరికి వాడితండు !!

డా .నాగులపల్లి

 

 

తే.గీ.మా.

తాయిలమ్ము దెచ్చెననుచు తనయ, సంబ

రముగ నెదురేగ తండ్రికి, రణమునందు

తాను క్షతగాత్రుడైన చందము గని, మన

సెటులనొచ్చు నా బంగారు చిన్నితల్లి

యంచు, తలచిన యోధుని యడద బాధ

నిండ, హస్తము దాచిన నిరుపమాన

దృశ్యము, గనినవారు నిరుత్తరులగు

వారణాశి శ్రీలేఖ

ఉ ll

వీరజవాను త్యాగమది ! విక్రమరూపము స్ఫూర్తినీయగా 

ధీరతతోడ గాయుచును ! స్థేమము, ధైర్యము చాటుచుండగన్!

క్రూరపు శత్రుమూకలను గూల్చెడి సేనకు భాగ్యమీయమా  

వారల తేజముల్ యొసఁగి, భారతమాత పతాకకాంతివై  

శూరవరేణ్యుడై నిలిచి క్షోణితలంబున శాంతిసౌఖ్యముల్  

పేరిమి రాగముల్ నిలిపి ప్రేమని నిత్యము పంచుచుండగా   

 

మ ll

అకటా ! ఎంతటి వేదనాభరిత దృశ్యంబో కదా ! గుండియల్           

వికలమ్మైన మనంబుతో తనయకా ప్రేమార్ధ రాగమ్ములై       

యొకసారైనను జూడఁగా ? మనసునే నొప్పించఁగా వీరుడే !          

ప్రకటంబాయెను భారతీ ! హృదయముల్ భారంబులౌ చిత్రమై  

కస్తూరి శివశంకర్